काठमाडौं । असोज २१ गतेदेखि दशैं, तिहार र छठ पर्व लक्षित सहुलियतपूर्ण पसल सञ्चालनमा आउने भएका छन् ।

उद्योग, वाणिज्य तथा आपूर्ति मन्त्रालयमा मंगलबार बसेको बैठकले २१ गतेदेखि सहुलियतपूर्ण पसल सञ्चालन गर्ने निर्णय गरेको हो ।

मन्त्रालयका सहसचिव एवम् प्रवक्ता गजेन्द्र ठाकुरले दशैं, तिहार र छठ पर्वका लागि २१असोजदेखि सहुलियतपूर्ण पसल सञ्चालन गर्ने निर्णय भएको जानकारी दिए ।

उनले पसलमा उपभोक्ताले ५० रुपैयाँसम्म छुट पाउने जानकारी दिए । सहुलियत पसलमा खाद्य व्यवस्था तथा व्यापार कम्पनी, साल्ट ट्रेडिङ, दुग्ध विकास संस्थान लगायतले खाद्यान्न, तेल, दाल, गेडागुडी सहुलियतपूर्ण मूल्यमा उपलब्ध गराउने मन्त्रालयले जनाएको छ ।