काठमाडौं । प्रतिनिधि सभामा पेशमा भएको विद्यालय शिक्षाको विरोधमा आन्दोलनरत राहत शिक्षकहरुले काठमाडौंमा आज पनि प्रदर्शन जारी राखेका छन् ।

नेपाल राहत शिक्षक केन्द्रीय समितिको अगुवाइमा उनीहरुले माइतीघर मण्डलामा भेला भएर विरोध प्रदर्शन गरेका हुन् ।

सरकारले नेपाल शिक्षक महासंघसँग गरेको सहमतिले आफ्ना समस्या सम्बोधन नगरेको भन्दै नेपाल राहत शिक्षक केन्द्रीय समितिले प्रदर्शन जारी राखेको हो ।

राहत शिक्षक र कर्मचारीलाई पनि प्रक्रिया पु¥याएर स्थायी गर्नुपर्ने, विद्यालय शिक्षा विधेयकमा यस विषयमा स्पष्ट व्यवस्था गर्नुपर्ने उनीहरूले माग राखेका छन् ।

वर्षौं सेवा गरेका राहत शिक्षकलाई अहिले रित्तो हात घर फर्काउन खोजेको उनीहरूको आरोप छ । दिनहुँ हुने राहत शिक्षकहरुको प्रदर्शनले माइतीघर नयाँबानेश्वर सडकखण्डमा केहीबेर सवारी आवागमन समेत प्रभावित हुने गरेको छ ।