काटमाडौं । उपत्यकामा कार्यरत ट्राफिक प्रहरीले ड्युटीको समयमा अब अनिवार्य डायरी र कलम बोक्नुपर्ने भएको छ ।

ट्राफिक प्रहरीले सडक सुरक्षा, ट्राफिक व्यवस्थापन, शान्ति सुरक्षाका लागि ड्युटीमा खटिँदा हुने घटना तथा अन्य विवरणहरू तत्काल भुल्न सक्ने भएकाले डायरी र कलम अनिवार्यद गरिएको ट्राफिक प्रहरी महाशाखाले जनाएको छ ।

महानगरीय ट्राफिक प्रहरी महाशाखाका प्रमुख प्रहरी वरिष्ठ उपरीक्षक उमेशराज जोशीले एक कार्यक्रमबीच उपत्यकामा कार्यरत करिब १६०० ट्राफिक कर्मचारीलाई डायरी तथा कलम वितरण गरे ।

ट्राफिक व्यवस्थापनमा खटिएको ट्राफिक प्रहरीलाई काम गर्न थप सहज होस् भन्ने हेतुले सो सामाग्री वितरण गरिएको एसएसपी जोशीले बताए ।

ड्युटीको समयमा सवारी दुर्घटनाहरूको टिपोट गर्न, दुर्घटना गरेर फरार वा ट्राफिक नियम उल्लङ्घन गरेका सवारी साधनको नम्बर टिपोट गर्न, विभिन्न घटनाहरूको टिपोट गर्न ईत्यादि प्रयोजनको लागि डायरी र कलम दिएको पनि उनले जानकारी दिए ।