काठमाडौं । काठमाडौं नेपाल लाइफ इन्स्योरेन्स कम्पनीले दशैंको विशेष अवसरमा हरेक नेपालीको उत्साहमा उमङ्ग थप्न टिकटक प्रतिस्पर्धाको आयोजना गर्ने भएको छ ।

तिमी यो दशैंमा के गर्छौ? नामक यस टिकटकको जिङ्गलमा ९ सहभागी प्रतिस्पर्धीहरुले आ-आफ्नो रचना प्रस्तुत गर्नुपर्ने छ । हरेक रचना तथा आउने लाइक, भ्युज र कमेन्टको आधारमा उत्कृष्ट ३ प्रतिस्पर्धीहरु छनौट गरि प्रथम, द्वितिय र तृतीय श्रेणीमा वर्गीकरण गरेर विजेता घोषणा गरिने कम्पनीले जनाएको छ ।

कम्पनीका अनुसार प्रथम हुनेले नगद तीस हजार, द्वितियलाई बीस हजार र तृतीयलाई दस हजार पुरस्कार प्रदान गरिने छ । यस टिकटक प्रतिस्पर्धामा देशैभरबाट इच्छुक सबैले कार्तिक १ देखि १५ गतेसम्म सहभागी हुन सक्ने छन् ।

दशैंले ल्याएको उत्साहसँगै नेपाल लाइफ इन्स्योरेन्स कम्पनीले ल्याएको यस मनोरञ्जनात्मक कार्यक्रममा उल्लेख्य सहभागिताको अपेक्षा गरिएको छ ।