काठमाडौं । नेपाल इन्भेष्टमेन्ट मेगा बैंक पहिलो त्रैमासमा सर्वाधिक नाफा कमाउने बैंक बन्न सफल भएको छ । बैंकले साउनदेखि असोजमसान्तसम्ममा १ अर्ब ५२ करोड २२ लाख ९९ हजार रुपैयाँ खुद नाफा कमाएको छ ।

जुन गत आवको असोज मसान्तसम्मको तुलनामा भने ३३.४६ प्रतिशतले बढी हो । गत आवको सोही अवधिमा बैंकले १ अर्ब १४ करोड ५ लाख रुपैयाँ खुद नाफा कमाएको थियो ।

असोज मसान्तसम्ममा बैंकको चुक्तापुँजी ३४ अर्ब १२ करोड ८५ लाख रुपैयाँ छ ।  यस अवधिमा बैंकले ३ खर्ब ४ करोड २४ करोड ४ लाख रुपैयाँ कर्जा लगानी गरेको छ ।

पहिलो त्रैमासमा बैंकको खुद ब्याज आम्दानी पनि ९५.४० प्रतिशतले बढेर ४ अर्ब १६ करोड १० लाख ४१ हजार रुपैयाँ पुगेको छ । संचालन नाफा पनि ५९.९० प्रतिशतले वृद्धि भई २ अर्ब ६० करोड ५४ लाख रुपैयाँ पुगेको छ । बैंकको वितरणयोग्य नाफा भने ८५ करोड ३२ लाख रुपैयाँ ऋणात्मक देखिएको छ ।

बैंकको खराब कर्जा ३.२६ प्रतिशतले बढेर ४.८३ प्रतिशत पुगेको छ । हालसम्म बैंकको जगेडा तथा कोषमा २५ अर्ब ८९ करोड ३८ लाख रुपैयाँ राखेको छ ।

बैंकको प्रतिसेयर आम्दानी १७ रुपैयाँ ८४ पैसा र प्रतिसेयर नेटवर्थ १७३ रुपैयाँ ३७ पैसा रहेको छ ।