काठमाडौं । बुधबार नेप्सेमा एकल अंकको वृद्धि देखिएको छ । नेपाल स्टक एक्सचेञ्ज (नेप्से) परिसूचका अनुसार नेप्से ५.१७ अंकले बढेर १८६३.९४ विन्दुमा पुगेको छ ।

नेप्से बढेपनि कारोबार रकममा भने गिरवाट देखिएको छ । आज दुई सय  ८८ कम्पनीको ३० हजार ३६४ सय पटक कारोबारमा ३१ लाख ५७ हजार ६२ कित्ता सेयर खरिदबिक्री हुँदा ७८ करोड २७ लाख ४३ हजार रूपैयाँको कारोबार भएको छ ।

बुधबार चार उपसमूहका सूचक घटेका छन् भने बाँकीको बढेको छ । घटेका उपसमूहरूमा विकास बैंक ०.३८, होटल तथा पर्यटन ०.६४, लगानी ०.४३ र नीर्जीवन ०.२३ प्रतिशतले घटेको छ । बढ्ने उपसमूहरूमा बैंकिङ ०.२५, वित्त ०.३३, जलविद्युत ०.६५, जीवन बीमा ०.५१, उत्पादन १.१६, माइक्रोफाइनान्स ०.२४, अन्य ०.७३, व्यापार ०.२० प्रतिशतले बढेको छ ।

आज ग्लोबल आइएमइ लघुवित्तका लगानीकर्ताले सर्वाधिक ८.०७ प्रतिशतका दरले कमाएका छन् भने कर्पोरेट विकास बैंकका लगानीकर्ताले सर्वाधिक ६.३८ प्रतिशतका दरले गुमाएका छन् ।

कारोबार रकमको आधारमा सोनापुर मिनरल एण्ड वयलको सर्वाधिक ५ करोड ६१ लाख ४१ हजार रूपैयाँको कारोबार भएको छ ।