काठमाडौं । सरकारले अर्को सूचना जारी नभएसम्मका लागि नयाँ सहकारी दर्तामा रोक लगाएको छ ।

गत २३ कात्तिकमा बसेकाे मन्त्रिपरिषद् बैठककाे निर्णयबारे अवगत गराउँदै भूमि व्यवस्था, सहकारी तथा गरिबी निवारण मन्त्रालयले यस्तो जानकारी दिएको हो ।

मन्त्रिपरिषद्ले महानगरपालिका, उपमहानगरपालिका नगरपालिकालाई कार्यक्षेत्र बनाएर ऋण कारोबार गर्नका लागि नयाँ संस्था दर्तामा रोक लगाएको छ ।

अर्को सूचना जारी नभएसम्म गाउँपालिकावाहेक अन्यमा सहकारी संस्थाको दर्ता, कार्यक्षेत्र विस्तार तथा सेवा केन्द्रको स्वीकृतिमा रोक लगाइएको हो ।

पछिल्लो समय सहकारी संस्थाबनट जोखिमयुक्त लगानी गर्ने प्रवृत्ति बढ्दै गएको छ भने अर्कोतर्फ बचतकर्ताको बचत फिर्ता हुन सकेको छैन ।
यही जोखिम टार्नका लागि यस क्षेत्रको लागि समाधानको लागि यो व्यवस्था लागू गरिएको जनाइएको छ ।