भारतको जोगबनीमा विराटनगरका युवकमाथि गोली प्रहार

नेपालवाच २०८० मंसिर २५ गते ११:००

विराटनगर । विराटनगरका एक युवकमाथि भारतको जोगबनीमा गोली प्रहार भएको छ । विराटनगर महानगरपालिका–८ मधुमाराका २७ वर्षीया निर्दोष संग्रौलामाथि सीमाक्षेत्र जोगबनीमा आइतबार साँझ गोली प्रहार भएको जिल्ला प्रहरी कार्यालय मोरङले जनाएको छ ।

भारतको रेलवे स्टेशनबाट करिब १०० मिटर टाढा गोली प्रहार भएको हो। गोली प्रहार हुँदा निर्दोषको तिघ्रामा गोलीको छर्रा लागेको प्रहरीले बताएको छ।

घाइते भएका संग्रौलाको विराटनगरस्थित कोशी अस्पतालमा उपचार भइरहेको छ । गोली प्रहार गर्ने व्यक्तिहरूको पहिचान भइनसकेको र अनुसन्धान भइरहेको प्रहरीले जनाएको छ ।