काठमाडौं । संवैधानिक परिषदको बैठक अहिले बसिरहेको छ । प्रधानमन्त्री निवास, बालुवाटारमा लामो समयपछि परिषद् बैठक बसेको हो ।

प्रधानमन्त्री पुष्पकमल दाहाल प्रचण्डको सचिवालयले अहिले परिषद् बैठक चलिरहेको जनाएको छ ।

आजको बैठकको मुख्य एजेण्डा महालेखापरीक्षक नियुक्ति रहेको बताइएको छ । टंकमणि शर्माको कार्यकाल सकिएपछि रिक्त महालेखापरीक्षक पदका लागि आधा दर्जन बढीले आकांक्षा देखाएका छन् । तर अहिलेसम्म परिषद्ले यसबारे निर्णय लिन सकेको छैन ।

प्रधानमन्त्रीको नेतृत्वमा रहेको संवैधानिक परिषदमा प्रमुख विपक्षी दलका नेता, प्रधानन्यायाधीश, सभामुख, राष्ट्रिय सभाका अध्यक्ष र उपसभामुख सदस्य हुने व्यवस्था छ । संवैधानिक पदमा नियुक्ति गर्ने क्षेत्राधिकार भए पनि राजनीतिक किचलोका कारण  परिषद् कामयावी हुन सकेको छैन ।