भारतमा ६० फिट लामो फलामको पुल चोरी

लुम्बिनी प्रदेशमा मन्त्रिपरिषद् पुनर्गठन: पाँच नयाँ मन्त्री थपिए, जेठ २५ गते शपथ

नेपालवाच २०७८ चैत २७ गते १४:५४

एजेन्सी । भारतको बिहारमा ६० फिट लामो एउटा फलामको पुल चोरी भएको छ । सासाराम जिल्लामा रहेको उक्त पुलको वजन ५०० टनको रहेको बिबिसीले जनाएको छ ।

सन् १९७२ मा गरिएको निर्माण गरिएको उक्त पुल सिंचाइ विभागको रहेको सासारामका प्रहरी उपरीक्षक आशीष भारतीले बताएका छन् । ‘त्यो पुल सिंचाइ विभागको थियो तर उपयोगमा आएको थिएन’, उनले भने ।

प्रहरी उपरीक्षक भारतीका अनुसार चोरी गर्नेहरूले आफूहरू सिंचाइ विभागबाट आएको र पुललाई लिएर जान लागेको बताएका थिए । त्यही भएर गाउँका मानिसले आफूहरूलाई यसबारे सूचना दिएनन् ।

प्रहरीले उजुरी दर्ता गराएर अनुसन्धान थालिसकेको उनले बताए ।