कलाकार उज्ज्वल केसीको निधन

नागरिक लगानी कोष र नबिल बैंकबीच अवकाश कोष व्यवस्थापन सम्झौता

नेपालवाच २०८१ जेठ १ गते १०:१६

काठमाडौं । कलाकार उज्ज्वल केसीको ५४ वर्षको उमेरमा निधन भएको छ । लामो समयदेखि बेल्जियममा बस्दै आएका उनको शनिबार हृदयघातबाट निधन भएको हो ।

घरमा बसिरहेका केसीलाई शनिबार एक्कासि हृदयघात भएको र अस्पतालसमेत लैजान नपाई मृत्यु भएको पारिवारिक स्रोतले जनाएको छ ।

विभिन्न चलचित्रमा अभिनय गरेका केसीले म्युजिक भिडियोहरूको पनि निर्देशन गरेका थिए । पूर्व रेडियोकर्मी समेत रहेका उनले नेपाल टेलिभिजनमा दी भोइस नामक कार्यक्रमसमेत सञ्चालन गरेका थिए ।

दुई दशकअघि बेल्जियम पुगेका उनी त्यहाँ पनि कलाकारितामा सक्रिय थिए ।