काठमाडौं । सत्ता गठबन्धनको सबैभन्दा ठूलो दल नेकपा एमालेका अध्यक्ष केपी शर्मा ओलीले प्रधानमन्त्री पुष्पकमल दाहाल ‘प्रचण्ड’ र
अर्थमन्त्री वर्षमान पुनप्रति आक्रोश व्यक्त गरेका छन् । आफुसँग छलफल नै नगरी बजेट ल्याइएको उनको आरोप छ ।
बजेट माओवादी केन्द्रप्रति ढल्किएको भन्दै यसको आलोचना गरेका छन् । एमालेको संसदीय दलको बैठकमा उनले यसरी सरकारको आलोचना गरेका छन् ।
उनले भने,‘सरकारमा सहभागी दलहरुसँग परामर्श गरेर छलफल गरेर बजेट आएको भए धेरै राम्रो बजेट हुनसक्थ्यो । छलफल नहुँदा यो अर्थमन्त्रीको बजेट हो कि, अर्थमन्त्री भएको पार्टीको बजेट हो कि ? जस्तो अलि बढ्ता देखिन गएको छ ।’ वर्तमान सत्ता गठबन्धनको ओलीले आलोचना गरेको यो पहिलोपटक हो । यसले प्रधानमन्त्री प्रचण्डसँग ओलीको असन्तुष्टि बढेको प्रष्ट देखिन्छ ।
बैठकमा उनले भनका थिऐ, ‘हामी जानुपर्ने कतो हो ? सैद्धान्तिक रुपमा कस्तो दिशा समातेको छ ? यी विषयहरुमा केन्द्रित भएर छलफल गर्नेछौँ । अरु छलफल बाँकी रहन्छ । अघि नै मैले भने, विनियोजनको सन्दर्भमा पछि हामी फेरि कुन–कुन मन्त्रालय कस्तो विनियोजन भयो ? र त्यसमा कुन–कुन कार्यक्रममा के भएको छ ? कुन नयाँ थपिएको छ, कुन पुरानो जारी छ ? कुन कटौती गरिएको छ ? कुन पूरा भयो, कुन अपुरैमा कटौती भयो ? नाम मात्रैको आयोजना राखियो तर बजेट छुट्याइएन कि ? कहाँ कस्ता कमी रहे, त्यसलाई पनि हेरिनेछ ।’