काठमाडाैं । डिजिटल प्रविधिको तीव्र विकास र बढ्दो प्रयोगसँगै पछिल्लो समय धेरै सुविधाहरु घरबाटै लिन सक्न भइसकेको छ । ग्राहक सुविधाका लागि खोलिएका भौतिक कार्यालयहरुमा ग्राहकहरुको भीड कम हुँदै गएको देखिन्छ । ग्राहकको सुविधा र गुनासोलाई मध्यनजर गर्दै कतिपय सरकारी, निजी कम्पनी, बैंक तथा वित्तिय संस्थाहरुले कल सेन्टर नै स्थापना गरी सेवा दिँदै आएका छन् । कतिपय बैकहरुका कल सेन्टरहरु त २४ यै घण्टा खुला रहन्छन् ।

पछिल्लो समय ग्राहकहरुले यसको प्रयोगमा बढी चासो देखाउने गरेको पाइएको छ । कल सेन्टरप्रति ग्राहकको रोजाई बढ्दै गएपछि संस्थाहरुले पनि त्यसलाई थप परिस्कृत गर्दै लगेको देखिन्छ ।

ग्लोबल आईएमई बैंकका चिफ मार्केटिङ अफिसर दिलिप पोखरेल कल सेन्टरबाटै धेरै जानकारि तथा अनलाइनबाट सुबिधा लिन सक्नेभएसँगै भौतिक उपस्थित हुने ग्राहकको संख्या न्युन हुँदै गएको बताउँछन् ।

आजको समयमा व्यस्त जीवनशैलीका कारण समय छुट्याउन गा¥हो छ । यस्तो अवस्थामा ग्राहकको छनोट कल सेन्टर हुन सक्ने उनको भनाइ छ ।

कल सेन्टरबाट ग्राहकले सबै खालका सेवाहरुबारे जानकारी र सुविधा लिन सक्छन् । ग्राहकले राखेका समस्याको समाधान कलबाटै नभएको अवस्थामा कसरी के गर्ने भनेर बुझाइदिनेसम्मको काम कलसेन्टरबाट हुने पोखरेल बताउछन् ।

ग्राहकको सेवाको लागि खोलिएको संस्थाहरुले सञ्चालन गर्दै आएका कल सेन्टरप्रति ग्राहकको गुनासो पनि उत्तिकै हुने गरेको छ । समयमै कल नउठाइदिने, असभ्य व्यवहार, स्पष्ट जानकारी नदिनेलगायत गुनासो ग्राहकले गर्ने गरेका छन् । पोखरेल प्राविधिक रुपमै समस्या हुँदा र तोकिएको समयमा भन्दा अन्य समयमा ग्राहकको कल नउठेपनि अन्य समयमा कर्मचारी ग्राहककै सेवाको लागि तयार अवस्थामा हुने पोखरेलको भनाइ छ ।

नेपालवाच र फाइनान्सियल लिट्रेसी नेपालको सहकार्यमा तयार पारिएको टेलिभिजन कार्यक्रमको यो एपिसोडमा ग्राहक सेवा र कल सेन्टरसँग सम्बन्धित रहेर इक्रा नेपालका विजेनस हेड वर्षा श्रेष्ठसँगसानिमा बैंक लिमिटेडका पूर्व सिईओ भुवन दहालले गरेको छलफलको पूरा अंश तल हेर्नुहोस् :