एकीकृत समाजवादीको महाधिवेशन आजदेखि, चुन्नेछ नयाँ नेतृत्व
![एकीकृत समाजवादीको महाधिवेशन आजदेखि, चुन्नेछ नयाँ नेतृत्व](http://nepalwatch.com/wp-content/uploads/2023/08/samajbadi-sachibalaya.jpg)
काठमाडौं । नेकपा (एकीकृत समाजवादी) को महाधिवेशन आजबाट सुरु हुँदैछ ।
असार १६ देखि २० गतेसम्म चल्ने महाधिवेशनको उद्घाटन अहिले बिहान ११ बजे काठमाडौंको कमलादीस्थित प्रज्ञा भवनमा हुनेछ ।
एमालेबाट अलग भएर माधवकुमार नेपालको समूहले एकीकृत समाजवादी जन्माएपछि पहिलो पटक महाधिवेशन हुन लागेको हो । नेता तथा कार्यकर्ता एमाले हुँदै आएकाले एकीकृत समाजवादीले यसलाई १०औं महाधिवेशन भनेको छ ।
महाधिवेशनले नीति तथा कार्यक्रम पारित गर्नुका साथै नयाँ नेतृत्वसमेत चयन गर्नेछ । अध्यक्षमा माधवकुमार नेपाल र घनश्याम भुसालले आकांक्षा देखाएका छन् । सैद्धान्तिक एवं वैचारिक नेता भुसाललाई पार्टीका सम्मानित नेता झलनाथ खनालको समेत साथ रहेको बताइन्छ ।
महाधिवेशनमा ७७ वटै जिल्ला र विभिन्न संगठनबाट १ हजार ८ सय प्रतिनिधि सहभागी हुनेछन् । यिनै प्रतिनिधिले आफ्नो मतादेशमार्फत अध्यक्ष, वरिष्ठ उपाध्यक्षसहित २१ पदाधिकारी र २९९ केन्द्रीय सदस्य छनोट गर्नेछन् ।
ताजा अपडेट
-
कैलालीको भजनी जलमग्न, एक जनाको मृत्यु
-
रास्वपा मन्त्रीले दिएनन् राजीनामा, प्रधानमन्त्रीलाई सघाउने
-
पार्टी सुधारेर रविलाई राजनेता बनाउन खोज्दा ममाथि कारबाही गरियो : ढकाल
-
प्रधानमन्त्री प्रचण्ड थप संकटमा, रास्वपाका मन्त्रीले पनि आज राजीनामा दिने
-
स्रोत साधनको वितरणमा न्यायका लागि नेपालमा देखिएका चुनौती र समाधान
प्रतिक्रिया