ताप्लेजुङमा ४.४ म्याग्निच्युडको भूकम्प
काठमाडौं । ताप्लेजुङमा बुधबार बिहान भूकम्पको धक्का महसुस भएको छ । ताप्लेजुङको तापेथोक केन्द्रबिन्दु भएर बुधबार बिहान १ः४५ बजे भूकम्प गएको हो ।
भूकम्प ४.४ म्याग्निच्युड मापन भएको छ ।
भूकम्पको धक्का ताप्लेजुङसँगै त्यस आसपासका जिल्लामा समेत महसुस भएको छ ।
उक्त भूकम्पबाट क्षति भए/नभएको विस्तृत विवरण आउन भने बाँकी छ ।
यसअघि गत असार १४ गते सिन्धुपाल्चोक जिल्लाको हेलम्बु केन्द्रविन्दु भएर भूकम्प गएको थियो ।
प्रतिक्रिया