काठमाडौं । काठमाडौं उपत्यकासहित वाग्मती प्रदेशभर सार्वजनिक सवारी साधनको भाडा वृद्धि भएको छ । वाग्मती प्रदेश सरकारले समायोजन गरेको यो भाडा आजदेखि लागू भएको छ ।

पाँच किलोमिटरसम्मको २० रूपैयाँ, १० किलोमिटरसम्मको २५ रूपैयाँ र १५ किलोमिटरसम्मको ३० रूपैयाँ कायम गरिएको छ । अब २० किलोमिटरसम्मको यात्रा गर्दा ३३ र २० भन्दा माथि ३८ रूपैयाँ तिर्नुपर्नेछ ।

त्यसैगरी, ट्याक्सीको भाडा पनि समायोजन गरिएको छ । नयाँ भाडादर अनुसार, ट्याक्सीको प्रति २०० मिटरको भाडा १० रूपैयाँ बनाइएको छ । अब ट्याक्सीले प्रतीक्षा शुल्क पनि लिन पाउने भएका छन् । त्यसका लागि प्रतिमिनेट १ रूपैयाँ २० पैसा तोकिएको छ ।