हात्तीको आक्रमणमा किसानको मृत्यु

रासस २०८१ असोज १३ गते ९:४३

कञ्चनपुर । हात्तीको आक्रमणमा परी लालझाडी गाउँपालिका–४, डाँडाजाइका ५० वर्षीय किसान रामदल रानाको मृत्यु भएको छ ।

गाउँपालिका अध्यक्ष निर्मल रानाका अनुसार खेतमा आएका हात्तीले रानालाई आक्रमण गरेका हुन् । किसान रानाको घटनास्थलमा नै मृत्यु भएको अध्यक्ष रानाले बताए ।

उनी हात्ती धपाउन गएका थिए । घटनास्थलतर्फ प्रहरी गइसकेको उनले जानकारी दिए ।

प्रतिक्रिया