काठमाडौं । टोखा–छहरे सडक खण्डमा शनिबार बिहान सवारी दुर्घटना हुँदा एक जनाको ज्यान गएको छ भने दुई जना घाइते छन् ।

काठमाडौंबाट लमजुङका लागि हिँडेको बा १४ च ३८५५ को हायलक्स गाडी बिहान ८ बजे नुवाकोटको काफलडाँडामा दुर्घटना भएको हो ।

दुर्घटनामा चालकको ज्यान गए पनि परिचय खुल्न बाँकी छ । दुर्घटनामा दुई जना घाइते भएका छन्, जसमा एकको अवस्था गम्भीर छ ।

६ जना सवार रहेको गाडी सडकबाट ५०० मिटर तल खसेको छ ।

असोज १० र ११ गतेको अविरल वर्षाले पृथ्वी राजमार्गको यात्रा कष्टपूर्ण बनेपछि टोखा–छहरे सडक वैकल्पिक मार्गका रूपमा प्रयोग गर्न थालिएको छ । उक्त गाडीले पनि नुवाकोटको मार्ग हुँदै शनिबार बिहान लमजुङको गन्तव्य समातेको थियो ।