काठमाडौं । सञ्चार तथा सूचना प्रविधि मन्त्रालयले राष्ट्रिय सूचना तथा प्रविधि पुरस्कारको आवेदन खुला गरिएको छ । मन्त्रालयले शुक्रबार सूचना जारी गदै आवेदन खुलाएको हो ।

नेपालमा सूचना तथा सञ्चार प्रविधिको विकास तथा प्रवर्द्धनको लागि सरकारले हरेक वर्ष मे दुईलाई राष्ट्रिय सूचना तथा प्रविधि दिवसको रुपमा मनाउँदै आएको छ । उक्त दिवसको अवसरमा नेपालको सूचना तथा प्रविधिका विशेष योगदान दिने व्यक्ति तथा संघसंस्थामध्ये उत्कृष्ट विभिन्न विधामा मन्त्रालयले राष्ट्रिय सूचना तथा सञ्चार प्रविधि पुरस्कारको २०२२ प्रदान कार्यक्रम गर्ने भएको छ ।

मन्त्रालयले इच्छुक सार्वजनिक संस्था, कार्यालय, कम्पनी तथा व्यक्तिलाई आवेदन दिन आव्हान गरेको छ । मन्त्रालयका अनुसार आवेदन फारम वैशाख आठ गते बेलुका पाँच बजेसम्म दिन सकिने छ ।

मन्त्रालयले नेशनल आइसिटी एक्सिलेन्स अवार्ड २०२२, नेशनल आइसिटी एक्सिलेन्स अवार्ड २०२२ (महिला), नेशनल आइसिटी इनोभेसन अवार्ड २०२२, नेशनल आइसिटी अवार्ड २०२२ (पब्लिक सेक्टर) र नेशनल आइसिटी अवार्ड २०२२ (प्राइभेट सेक्टर) विधामा पुरुस्कार प्रदान गर्न लागेको हो ।