काठमाडौं । जनक शिक्षा सामग्री केन्द्र लिमिटेडले विभिन्न पदमा जनशक्ति माग गरेको छ ।

खुला तथा समावेशी प्रतियोगिताबाट स्थायी पदपूर्ति गर्नेगरी लिमिटेडले प्रबन्धक, उपप्रबन्धक, शाखा अधिकृत र वरिष्ठ सहायक पदमा २५ जनशक्ति माग गरेको हो ।

लिमिटेडले सबैभन्दा बढी शाखा अधिकृत पदमा १२ जनशक्ति माग गरेको छद्ध । त्यस्तै, १० वरिष्ठ सहायक, १/१ प्रबन्धक र उपप्रबन्धकमा पनि विज्ञापन गरिएको छ ।

योग्यता पुगेका इच्छुक व्यक्तिले शुक्रबारदेखि आगामी फागुन १ गतेसम्म लिमिटेडको कार्यालयमा गएर आवेदन दिन सक्नेछन् । लिमिटेडका अनुसार, दोब्बर दस्तुर बुझाएर आगामी फागुन ८ गतेसम्म आवेदन दिन सकिनेछ ।

हेर्नुहोस् सूचना