काठमाडौं । नेकपा एमालेका उपमहासचिव एवं प्रचार विभाग प्रमुख पृथ्वीसुब्बा गुरुङले आगामी स्थानीय तहको निर्वाचनमा एमालेले ६० प्रतिशत स्थानमा विजयी हासिल गर्ने दावी गरेका छन् । प्रचार विभागले सोमबार गरेको फेसबुक लाइभमा अन्तर्वार्ता दिँदै गुरुङले गठबन्धन महासंकटमा फसेकाले उनीहरूले अपेक्षकृत नतिजा ल्याउन नसक्ने जिकिर गरे ।

‘एकीकृत समाजवादी पार्टीलाई एमालेले जितेको सबै स्थानमा भाग चाहिएको छ । कांग्रस र माओवादीभित्र धेरै असन्तुष्टि बढ्दै गएको छ’, उनले भने, ‘गठबन्धन दलमा पार्टी छोड्नेका सुनामी आएको छ । पहिला वामपन्थीबाट मात्र एमाले प्रवेश गर्थे । अहिले कांग्रेसबाट डरलाग्दो गरी एमााले प्रवेश गरेका छन् ।’

०७४ मा भन्दा यसपालि एमाले बलियो भएको छ । त्यतिबेला एमाले–माओवादीसहितले ६४ प्रतिशत मत पाएकाले समस्या आएको उनको भनाइ थियो । अहिले एमाले एकल नेतृत्वमा पार्टी एकताबद्ध भएकाले आगामी निर्वाचनमा बहुमत ल्याएर सरकार बनाउने उनको जिकिर गरे ।