काठमाडौं । सरकारले १२ निर्माण तथा आपूर्ति कम्पनीलाई कालोसूचीमा राखेको छ ।

१२ निर्माण तथा आपूर्ति कम्पनीले सम्झौताअनुसारको काम नगरेपछि प्रधानमन्त्री तथा मन्त्रिपरिषद् कार्यालयअन्तर्गतको सार्वजनिक खरिद अनुुगमन कार्यालयले कालोसूचीमा राखेको हो ।

कालोसूचीमा परेका निर्माण तथा आपूर्ति कम्पनीहरूमा लक्ष्मण कन्स्ट्रक्सन, प्राप्ति इन्टरप्राइजेज प्रालि, अनिवार्य बिल्डर्स प्रालि, जयसवाल कन्स्ट्रक्सन, तुलसी इन्जिनियरिङ कन्स्ट्रक्सन प्रालि र चक्रेश्वरी कन्स्ट्रक्सन प्रालि छन् ।

त्यस्तै, मिचिको एड कम्पनी प्रालि, अधिकारी निर्माण सेवा, विराट कन्स्ट्रक्सन कम्पनी प्रालि, लोहनी एण्ड ब्रदर्स प्रालि, आत्रेय निर्माण सेवा प्रालि र म्याक्स इन्फ्रालाई पनि सरकारी खरिद प्रक्रियामा सामेल हुन नपाउने गरी दुुईदेखि एक वर्ष कालोसूचीमा राखिएको छ ।

सार्वजनिक खरिद ऐन, २०६३ को दफा ६३ को उपदफा (१) अनुसार यी कम्पनीलाई एकदेखि २ वर्षसम्मका लागि कालोसूचीमा राखिएको कार्यालयले जनाएको छ ।