काठमाडौं ।  तपाईंले अन्तिम पटक पर्स बोकेर घरबाट निस्किएको कहिले सम्झनुहुन्छ ?

केही वर्षअघिसम्म सामान किन्न होस्, बस चढ्न होस् वा बिल तिर्न—हाम्रो हातमा पर्स अनिवार्य हुन्थ्यो । तर आज, त्यही पर्सको ठाउँ मोबाइलले लिएको छ ।

आज हामी यस्तो समयमा छौं, जहाँ मोबाइलको एउटै क्लिकले किनमेल हुन्छ, बिजुलीको बिल तिरिन्छ, विद्यालयको शुल्क बुझाइन्छ, खानेपानीको पैसा समेत घरमै बसेर चुक्ता हुन्छ ।

पहिले पसलमा खुद्रा पैसा नभएर चकलेट दिनुपथ्र्यो, हिसाब नमिल्ने चिन्ता हुन्थ्यो भने अर्कोतिर पैसा हराउने डर । आज डिजिटल कारोबारले यी सबै चिन्तालाई इतिहास बनाइरहेको छ । २६ वर्षदेखि मेडिकल व्यवसाय गर्दै आएका प्रेमकुमार श्रेष्ठले क्यूआर प्रयोग गर्न थालेको सात वर्ष भयो । कहिलेकाही यसमा समस्या आएता पनि यसले नगद लेनदेनमा सहजता ल्याएको र समयको बचत पनि भएको उनको अनुुभव छ ।

अर्का व्यवसायी सागरको अनुभव पनि उस्तै छ । अहिले सबैको रोजाइमा क्युुआर परेको हुुनाले पैसा हराउने, चोरी हुने डर नहुुने उनको भनाइ छ ।

यो परिवर्तन केवल व्यवसायीमामात्रै सीमित छैन । सर्वसाधारणको जीवन पनि डिजिटल भुक्तानीले नयाँ गतिमा अघि बढाएको छ । डिजिटल भुक्तानीले हामीलाई केवल सजिलो जीवन दिएको छैन, समयको मूल्य बुझ्न सिकाएको छ, पारदर्शिताको संस्कृति बसाल्दैछ, डिजिटल भविष्यतर्फ डोर्याउँदैछ ।

कुरा पैसाको नयाँ अंकमा नेपालमा डिजिटल बैंकिङले मारेको फड्को, यसको प्रयोगमा सचेत हुनुपर्ने विषयमा केन्द्रित रहेर नेपाल बैंक लिमिटेडकी कार्ड तथा डिजिटल बैंकिङ डिभिजन प्रमुख बन्दना शर्मासँग छलफल गरिएको छ ।

कुराकानीको पूरा भिडियो हेर्न तलको लिंकमा जानुहोस् :