काठमाडौं । फुटबललाई खेलको राजा भनिन्छ । त्यसमा पनि इंग्ल्याण्डलाई फुटबलको जननी मानिन्छ । इंग्लिस फुटबललाई विश्वकै प्रतिस्पर्धी र उत्कृष्ट मानिन्छ । अर्कोतिर क्रिकेट फुटबलको दाँजोमा विश्वव्यापी भइसकेको खेल होइन ।

तर, इंग्ल्याण्ड राष्ट्रिय टोलीका कप्तान ह्यारी केनले भने क्रिकेट लिग र त्यसका खेलाडीको प्रशंसा गरेका छन् ।

टोटनहम हटस्परका स्ट्राइकर केनले भारतमा जारी इण्डियन प्रिमियर लिग (आइपिएल) क्रिकेट हेर्ने गरेको खुलासा गरेका छन् । उनले भारतका पूर्वकप्तान विराट कोहली आफूलाई मनपर्ने खेलाडी रहेको बताउँदै उनीबारे आफ्नो धारणा राखेका छन् ।

स्टार स्पोर्टससँग कुरा गर्दै उनले कोहलीलाई पटक–पटक भेटेको खुलासा गर्दै उनलाई भेट्नु पाउँदा आफूलाई भाग्ममानी महशुस गरेको बताएका छन् ।

सो क्रममा केनले कोहलीको कप्तानीमा रहेको रोयल च्यालेन्जर्स बैंलोर आफ्नो मनपर्ने टोली भएको खुलासा गरेका छन् ।

फुटबलर केनले गत सिजनमा आरसिबी अभागी भए पनि यस वर्ष उसले राम्रो गर्ने सम्भावना रहेको बताएका छन् ।

‘आइपिएलमा मलाई मनपर्ने टोली आरसिबी हो । विराट कोहलीलाई धेरै पटक भेट्न पाउँदा मैले आफूलाई भाग्यमानी महशुस गरेको छु’, उनले भनेका छन्, ‘यसपटक आरसिबीले केही राम्रा खेलाडीहरू खरिद गरेको छ । आइपिएलमा केही उत्कृष्ट टोली छन्, इमानदारीपूर्वक भन्नुपर्दा मलाई ती सबै हेर्न मनपर्छ ।’

आइपिएलको शीर्ष २ मा दुवै नवप्रवेशी टोली, सर्वाधिक विजेताहरू नवौं र १० औँमा