काठमाडाैं । साताको पहिलो दिन लगानीकर्तालाइ उत्साहित हुने गरी नेप्से बढेपनि दोस्रो दिन भने घटेको छ । आइतबार ९५.५२ अंकले बढेको नेप्से आज ३४.९५ अंकले बढेर २३८६.०१ विन्दुमा पुगेको छ ।

नेपाल स्टक एक्सेञ्च (नेप्स) का अनुसार आज ठूला कम्पनीको सेयर कारोबार मापन गर्ने सेन्सेटिभ परिसूचक ६.१९ अंकले बढेर ४५४.६९ विन्दुमा मा पुगेको छ । नेप्से घटेसँगै कारोबार रकममा पनि केही कमी आएको छ । आज कुल २३९ कम्पनीको ५ लाख ६७ हजार ७६९ कित्ता सेयर खरिद बिक्री हुँदा २ अर्ब ४ करोड २२ लाख ५३ हजार १८२  रूपैयाँ बराबरको कारोबार भएको छ ।

आज कारोबारमा आएका १३ वटै उपसमूहमध्ये सामूहिक लगानीकोष र होटल तथा पर्यटनको परिसूचकबाहेक अन्य उपसमूहको परिसूचक घटेको छ । सामूहिक लगानीकोष ०.८२  र होटल तथा पर्यटन ०.१३,  प्रतिशतले बढेको छ ।

वित्त १.४७, विकास बैंक २.०४, जलविद्युत् १.८७, उत्पादन ०.९६, लघुवित्त १.५७, जीवन बीमा १.५३ र लगानी १.९६ अंकले घटेको छ । त्यस्तै बैंकिङ १.०२, व्यापार ०.४१, निर्जीवन बीमा १.३७ प्रतिशतले घटेको छ । अन्यको सेयर मूल्य २.२६ प्रतिशतले बढेको छ ।

आज जाल्पा लघुवित्तका लगानीकर्ताले सबैभन्दा धेरै अर्थात ९.९९ प्रतिशतले कमाएका छन् । त्यसपछि राष्ट्रिय बीमा कम्पनी लिमिटेडले ४.०३, सिदार्थ इक्युटि फण्डले ४ प्रतिशतका दरले कमाएका छन् । त्यस्तै आज एभरेष्ट इन्स्योरेन्स कम्पनीका लगानीकर्ताले सबैभ धेरै गुमाएका छन् । उक्त कम्पनीका लगानीकर्ताले ७.७० प्रतिशतका दरले गुमाएका छन् ।

कारोबारका आधारमा आज सबैभन्दा बढी अरूण भ्याली हाइड्रोपावर डेभलपमेन्ट कम्पनी शीर्षस्थानमा छ  । उक्त कम्पनीको ८ करोड ११ लाख ९१ हजार ८२४ रूपैयाँ बराबरको कारोबार भएको छ ।