काठमाडाैँ । राष्ट्रिय स्वतन्त्रता पार्टी (रास्वपा) का सांसद सीता वादीले महिला, बालबालिका तथा ज्येष्ठ नागरिकमन्त्रीको पदभारग्रहण गरेकी छन् । उनी नेपालको पहिलो वादी समुदायको मन्त्री बनेकी छन् । पदभार ग्रहण गरेसँगै उनी भावुक भइन् । आँखाबाट आँसु पुछ्दै उनले भनिन्, “सोचेको थिइनँ, यहाँ आइपुग्छु भनेर ।”

महिला सशक्तिीकरणमा सामाजिक संस्थामार्फत सेवा गर्दै आएकी नवनियुक्त मन्त्री वादी कर्णाली प्रदेशको सुर्खेतस्थित वीरेन्द्रनगर नगरपालिका–१४ स्थायी घर भई हाल काठमाडौँको बूढानीलकण्ठ–८ मा बसोबास गर्दै आएकी छन् । गरिबी र समाजको विभेदका कारण जीवनका पाइलै पिच्छे पहिचानका लागि सङ्घर्ष गर्दै आएकी उनी रास्वपामा आबद्ध भएकी थिइन् ।

समानुपातिकबाट सांसद भएकी उनले १३ वर्षको उमेरदेखि संस्थाको आर्थिक सहयोगमा पढाइ पूरा गरिन् । स्नातकसम्मको शिक्षा हासिल गरेलगत्तै उनले समाजमा विभेद अन्त्य गर्न र महिला सशक्तिकरणमा सहयोग पुग्ने सामाजिक संस्था सञ्चालन गर्दै आएकी थिइन् ।