राष्ट्रिय सभा उपाध्यक्षको निर्वाचन चैत २३ गते हुने
काठमाडौँ। राष्ट्रिय सभा उपाध्यक्ष पदको निर्वाचन चैत २३ गते हुने तय गरिएको छ। बिहीबार राष्ट्रिय सभा अध्यक्ष नारायणप्रसाद दाहालले निर्वाचन मिति घोषणा गरेका हुन्।
उनले राष्ट्रिय सभा नियमावली २०७५ को नियम ८ बमोजिम उपाध्यक्ष पदको निर्वाचन तोकेको बताए। साथै, संघीय संसद्का महासचिव पद्मप्रसाद पाण्डेयलाई निर्वाचन कार्यक्रमसम्बन्धी सूचना प्रकाशन गर्न निर्देशन दिएका छन्।
त्यसैगरी, राष्ट्रिय सभाका विषयगत समितिका रिक्त सभापतिहरूको निर्वाचन चैत २४ गते हुने भएको छ।
प्रतिक्रिया