काठमाडौं । स्वास्थ्य तथा जनसंख्या मन्त्रालयले लु तथा तातो हावाबाट बच्न सर्वसाधारणलाई आग्रह गरेको छ । मन्त्रालयले मंगलबार सूचना जारी गर्दै गर्मीमा लु तथा स्वास्थ्यको विशेष हेरचाह गर्नसमेत अनुरोध गरेको छ ।

मन्त्रालयले लु बाट जोगिनका लागि केही उपाय तथा असरसहित सूचना जारी गरेको हो । मन्त्रालयका अनुसार लु तथा तातो हावाबाट जोगिन दिउँसो घरबाट बाहिर ननिस्कने, निस्कनै परे पातलो कपडाले टाउको छोप्ने वा छाताको प्रयोग गर्ने, चिसो पानीले नुहाउने, मदिरा सेवन नगर्ने जस्ता उपाय अपनाउन आग्रह गरेको छ ।

त्यस्तै मन्त्रालयले लु तथा तातो हावाबाट ह्दयको गति तीव्र हुने, श्वासप्रश्वास तथा रक्तचाप कम हुने, टाउको दुख्ने, चक्कर लाग्ने आदि असरहरु देखा परेमा तुरुन्तै नजिकैको अस्पताल जानसमेत मन्त्रालयले आग्रह गरेको छ ।