एकैदिन ७२ सयले बढ्यो सुनको भाउ
काठमाडौं । आज शुक्रबार सुनचाँदीको भाउ ह्वात्तै वृद्धि भएको छ । यस दिन सुनको भाउ तोलामा ७ हजार २०० रुपैयाँले बढेको नेपाल सुनचाँदी व्यवसायी महासंघले जनाएको छ ।
महासंघका अनुसार शुक्रबार एक तोला सुनको मूल्य २ लाख ९० हजार ७०० रुपैयाँ पुगेको छ । हिजो बिहीबार एक तोला सुनको मूल्य २ लाख ८३ हजार ५०० रुपैयाँ थियो ।
यता, चाँदीको मूल्य तोलामा १६५ रुपैयाँले बढेर ४ हजार ६१५ रुपैयाँ पुगेको छ । हिजो बिहीबार एक तोला चाँदीकोे मूल्य ४ हजार ४५० रुपैयाँ थियो ।
प्रतिक्रिया