काठमाडौँ- राष्ट्रिय स्वतन्त्र पार्टी (रास्वपा)ले नागरिकका गुनासा, समस्या र सुझाव प्रत्यक्ष रूपमा सुन्ने उद्देश्यसहित ‘हामी सुन्छौँ’ अभियान सञ्चालन गर्ने भएको छ।

पार्टीको साउन १३ गते बसेको केन्द्रीय समिति बैठकको निर्णयअनुसार साउन २५ गतेदेखि केन्द्रीय कार्यालय ‘घन्टीघर’मा अभियान सुरु हुनेछ।

अभियानअन्तर्गत पार्टीका केन्द्रीय सदस्य र प्रतिनिधिसभा सदस्यहरूमध्येबाट दैनिक दुई जनाको नियमित उपस्थिति अनिवार्य गरिएको छ। तीमध्ये कम्तीमा एक जना प्रतिनिधिसभा सदस्य (सांसद) घन्टीघरमा उपस्थित रहने व्यवस्था गरिएको छ।

रास्वपाका सहमहामन्त्री हरि ढकालका अनुसार अभियानमार्फत नागरिकका प्रत्यक्ष गुनासा, सुझाव र समस्यालाई सुनेर सम्बोधनका लागि पहल गरिनेछ।