काठमाडौ -लामखुट्टेको टोकाइबाट सर्ने जापानिज इन्सेफ्लाइटिस(जेइ) रोगको संक्रमण तथा मृत्यु हुनेको संख्या बढिरहेकाले यसको जोखिमप्रति सतर्क र सुरक्षित रहन परिवार कल्याण महाशाखाले सबैमा अनुरोध गरेको छ ।

स्वास्थ्य सेवा विभागअन्तर्गतको परिवार कल्याण महाशाखाको पछिल्लो प्रतिवेदनअनुसार देशका २५ जिल्लाका ५९ स्थानीय तहमा ८० जना प्रयोगशालामा पुष्टि भएका जापानिज इन्सेफलाइटिसका बिरामी देखिएका छन् ।

आइतबार एक विज्ञप्ति जारी गर्दै महाशाखाले पुष्टि भएका बिरामीमध्ये ८६ प्रतिशतले जापानिज इन्सेफ्लाइटिसरोगविरुद्धको ‘जेइ खोप’ नलगाएको जनाएको छ ।

यसैगरी, हालसम्म संक्रमितमध्ये २१ जनाको मृत्यु भइसकेको छ ।