भोटेकोसी बाढीपीडितका लागि भारत सरकारले पठायो १० टन राहत सामग्री

नेपाललाई सक्दो मानवीय सहयोग गर्ने भारतीय प्रधानमन्त्री मोदीको प्रतिबद्धता

भोटेकोसी बाढीपीडितका लागि भारत सरकारले पठायो १० टन राहत सामग्री

नेपालवाच २०८३ भदौ १० गते २२:४५

भारत सरकारले रसुवाका बाढी प्रभावितका लागि १० टन मानवीय सहायता तथा विपद् राहत पठाएको जनाएको छ ।

भारतीय विदेशमन्त्री डा. एस जयशंकरले सामाजिक सञ्जालमार्फत उक्त जानकारी दिँदै आज नेपालको रसुवामा आएको बाढीपीडितका लागि मानवीय सहायता, विपद् राहत, आवश्यक औषधि नेपाल पठाइएको बताए ।

‘हामी शोकसन्तप्त परिवारजन तथा यस घटनाबाट प्रभावित सबैप्रति हार्दिक समवेदना व्यक्त गर्दछौँ’, उनले भनेका छन्, ‘यस चुनौतीपूर्ण परिस्थितिमा भारत नेपाल र नेपाली जनताको साथमा उभिएको छ ।’