काठमाडौं । टाइफाइडविरुद्ध खोप लगाउन छुटेका बालबालिकालाई आज र भोलि खोप दिइँदै छ । जिल्ला स्वास्थ्य कार्यालयलका अनुसार खोप केन्द्रीय अस्पतालमा लगाउन पाइने छ ।

गत चैत २४ गतेदेखि वैशाख ११ गतेसम्म टाइफाइडविरुद्ध खोप अभियान चलेको थियो । १५ महिना माथिका बालबालिकालाई उक्त खोप दिइरहेको छ । जेठ महिना देखि भने टाइफाइडविरुद्धको खोप बालबालिकाको नियमित खोप कार्यक्रममा समावेश हुने स्वास्थ्य कार्यालयले जनाएको छ ।

स्वास्थ्य कार्यालयका अनुसार खोप कान्ति बाल अस्पताल, वीर अस्पताल, निजामती कर्मचारी अस्पताल, शहिद शुक्रराज ट्रपिकल तथा सरुवा रोग अस्पताल, परोपकार महिला तथा स्त्री रोग अस्पतालमा लगाइरहेको छ । त्यसै गरी त्रिवि शिक्षण अस्पताल, वीरेन्द्र सैनिक अस्पताल, र नेपाल प्रहरी अस्पतालमा खोप लगाउन सकिने छ ।