काठमाडौं । एक युवकलाई आफ्नै विवाहमा साथीभाइसँग नाच्नु निकै महंगो परेको छ । भारतको महाराष्ट्र राज्यको बुलढाना जिल्लाको मलकापुर पंगरा गाउँमा भएको यस घटनामा बेहुलाले साथीसँग नाचेकै कारण बेहुली गुमाए ।

विवाहकाे दिन उनी समयमै बेहुलीकाे घरमा पुग्न सकेनन् । उनी धेरै बेरसम्म आफ्ना साथीहरुसँग नाच्न व्यस्त थिए ।

बेहुला नाच्न व्यस्त भएपछि विवाहको कर्मकाण्ड गर्न ढिलो भइरहेको थियो । बेहुलालाई पर्खिएर बसेकी बेहुली प्रियंका निराश भइन् र अर्कै व्यक्तिसँग विवाह गर्ने निर्णय गरिन् । विवाह गर्न ढिलो भएपछि माइतीपक्षले विवाह स्थगित गरे । विवाहको पूजा ४ बजे सुरु हुने भनिएको थियो तर जन्ति ८ बजे राति पुगेका थिए ।

बेहुलीकी आमा मालती गवईले बेहुलासहित उनका साथीहरुले मदिरा सेवन गरेर होसमा नभएको अवस्थामा त्यहाँ पुगेको बिबिसी हिन्दीसँग बताइन् । विवाह नभए समाजमा बेइज्जत हुने भएकाले अरु नै कसैसँग विवाह गर्ने निर्णय गाउँको पञ्चायत गरेको थियो ।

बिहेको मण्डपबाट निकालिएपछि पहिलो बेहुलाले भोलिपल्ट अर्कै युवतीसँग धूमधामसँग बिहे गरे । बिहेपछि बेहुलाले भने, ‘भगवानले जोडी बनाउँछन् ।’