सुदूरपश्चिम र कर्णालीबीचको खेल मध्याह्न १२ः३० बजे सुरु हुनेछ। कर्णालीले हालसम्म खेलेका तीन खेलमध्ये दुईमा जित र एकमा हार व्यहोरेको छ। अघिल्लो खेलमा काठमाण्डु गोर्खाजसँग पराजित भएको कर्णाली आज सुदूरपश्चिमलाई हराउँदै तेस्रो जितको खोजीमा छ। यता सुदूरपश्चिमले चार खेल खेल्दा दुई जित र दुई हारको सामना गरेको छ। टोली आज लगातार दोस्रो जित निकाल्दै अंक तालिकामा सुधार गर्ने लक्ष्यमा छ।

त्यस्तै, अपराह्न ५ः०० बजे सुरु हुने दोस्रो खेलमा चितवन राइनोज र पोखरा एभेन्जर्स आमनेसामने हुनेछन्। कुशल भुर्तेलको कप्तानीमा रहेको पोखरा अहिलेसम्म जितविहीन छ। टोलीले खेलेका तीनवटै खेलमा हार बेहोरेको छ। आज चितवनलाई हराउँदै प्रतियोगितामा पहिलो जित दर्ता गर्ने योजनामा पोखरा छ। अर्कोतर्फ, चितवन आफ्नो प्लेअफ सम्भावना बलियो बनाउन चाहन्छ। चितवनले चार खेलमा दुई जित, एक हार र एक खेलमा वर्षाका कारण अंक बाँडेको छ। जारी एनपीएलमा आठ टोलीको सहभागिता रहेको छ।