काठमाडाैं । वैशाख १२ गतेदेखि एक जना बालक बेपत्ता भएका छन् । बझाङ, खप्तड छान्ना गाउँपालिका वडा नं ३ स्थायी घर भई हाल काठमाडाैंको स्युचाटारमा बस्दै आएका सुमन साउद नाम गरेका बालक बेपत्ता भएका हुन् ।

उनी  सो दिन करिब १० बजेको समयमा साथीसँग खेल्न भनी निस्केको त्यसपछि घर नफर्केको बेपत्ता बालकको आफन्तले बताए । त्यही दिन दिउँसो ३ बजेदेखि बालक सम्पर्कबीहिन भएको र उनको खोजीको लागि प्रहरी कार्यालय टेकुमा निवेदन पनि दिइसकेको उनले जानकारी दिए । आजसम्म पनि बेपत्ता बालकको कुनै पत्ता नलागेकोले उनको खोजीकार्य जारी भइरहरहेको जनाइएको छ ।

बेपत्ता बालक काकासँग बस्दै आएका थिए । उनका बाबुआमा भने रोजगारीको सिलसिलामा भारतमा छन् ।