काठमाडौं । नेकपा (एमाले)का नेता तथा पूर्वमन्त्री भीम रावलले एमसिसी बोर्डसँगको सम्झौता नेपाल राजपत्रमा छापिएकोप्रति आपत्ति जनाएका छन् । उनले अन्य देशसँगको विकास आयोजनासम्बन्धी सम्झौता राजपत्रमा छापिएका छ कि छैन भन्दै प्रश्न गरेका हुन् ।

‘देशसँगका विकास आयोजनासम्बन्धी कुनै सम्झौता राजपत्रमा छापिएका छन् ? छैन’, उनले भने, ‘यहीबाटै नेपालको मामिला, कानुन र अधिकारमा हस्तक्षेपको खेल शुरू हुन्छ । अब अरू राष्ट्रघाती प्रावधान कसरी लागु हुन्छन् हेरौं । अनुमोदनबारे पठाएको पत्र सार्वजनिक होस् ।’

एमालेभित्र अन्य नेता सम्झौताबारे मौन रहे पनि रावलले त्यसविरुद्ध आपत्ति जनाउँदै आएका छन् ।

राजपत्रमा छापियो अनुमोदन भएको एमसिसी सम्झौता