काठमाडौं । दैनिक अखबारहरूले स्थानीय तह निर्वाचनलाई आज विभिन्न कोणबाट चर्चा परिचर्चा गरेका छन् ।

कान्तिपुर दैनिकले एकतिहाइ पालिकामा मात्रै सत्ता साझेदार दलको गठबन्धन कायम भएको लेखेको छ । देशभरका ७५३ स्थानीय तहमा तालमेल गर्ने निर्णय गरे पनि २०९ स्थानीय तहमा मात्रै गठबन्धन सफल भएको हो ।

अन्नपूर्णले दुर्गम क्षेत्रको चुनावी माहोलमाथि नजर लगाएको छ । अन्नपूर्णका अनुसार, गोरखाको चुमनुब्री गाउँपालिकाका स्थानीय चुनावको कुनै रौनक छैन । स्थानीय घरमा ताला लगाएर लेकतिर उक्लिएका छन् ।

नयाँ पत्रिका दैनिकले वीरगञ्ज महानगरपालिकामा शक्ति र पैसाको बलमा प्रतिस्पर्धा हुन लागेको लेखेको छ भने सरकारी मुखपत्र गोरखापत्र दैनिकमा माध्यमिक तहको शिक्षक परीक्षामा १२ प्रतिशत मात्रै उत्तीर्ण भएको खबर छ ।