काठमाडौं । चिकित्सा क्षेत्रको सुधारमा संघर्षरत डा. गोविन्द केसीले सरकारलाई आफूसँग भएका सम्झौता कार्यान्वयन गर्न ध्यानाकर्षण गराएका छन् ।
स्वास्थ्यमन्त्री विरोध खतिवडासँग भेट्दै उनले सम्झौता कार्यान्वयन गर्न माग गर्दै सात बुँदे ज्ञापनपत्र पनि बुझाएका छन् ।

ज्ञापनपत्रमा सरकारसँग भएका सम्झौताहरु कार्यान्वयन गर्न तथा स्वास्थ्य सेवा गुणस्तरीय, निशुल्क, सुलभ बनाउन माग गरेका छन् ।

उनले देशभर खुलेका मापदण्डविनाका निजी स्वास्थ्यसंस्था बन्द गराउन उनले सरकारलाई आग्रह गरेका छन् । पूर्वाधार र पर्याप्त जनशक्तिबिना निजी स्वास्थ्य संस्था खुल्ने क्रम बढेको भन्दै उनले यसबाट बिरामी ठगीने तथा मृत्यु हुनेसम्मको अवस्था रहेको उल्लेख गरेका छन् ।

नोबेल मेडिकल कलेज र काठमाडौं मेडिकल कलेजमा चिकित्साशास्त्रका विद्यार्थीसँग अतिरिक्त रकम माग गरिएको भन्दै डा। केसीले ती कलेजका सञ्चालकलाई कारवाही गर्न पनि माग गरेका छन् ।