शनिबारसम्मै पहाड र तराईमा वर्षा, हिमालमा हिमपात

नेपालवाच २०७८ माघ २१ गते ९:२४

काठमाडौं । मौसममा सुधार आउन अझै केही दिन लाग्ने भएको छ ।

पश्चिमी न्यून चापीय प्रणाली देशभर फैलिएकाले यसको प्रभावस्वरूप शनिबारसम्मै पानी पर्ने मौसम पूर्वानुमान महाशाखाले जनाएको छ ।

काठमाडौं उपत्यकामा यही प्रणालीको प्रभावले बिहीबार राति र शुक्रबार बिहान हल्का वर्षा भएको छ ।

महाशाखाका अनुसार, शुक्रबार दिउँसो गण्डकी तथा लुम्बिनीका एक–दुई स्थानमा भारी वर्षाको सम्भावना छ । उच्च पहाडी तथा हिमाली भूभागमा भने हिमपातको सम्भावना औंल्याइएको छ ।

यो क्रम शनिबारसम्म जारी रहने महाशाखाले जनाएको छ ।