एकीकृत समाजवादीले एमसिसीविरुद्ध देशभर प्रदर्शन गर्ने
काठमाडौं । माधवकुमार नेपाल नेतृत्वको नेकपा (एकीकृत समाजवादी)ले अमेरिकी सहयोग परियोजना मिलेनियम च्यालेन्ज कर्पोरेसन (एमसिसी) सम्झौताको विरोधमा देशव्यापी प्रदर्शन गर्ने निर्णय गरेको छ ।
आज बसेको एकीकृत समाजवादीको मोर्चा संगठनको बैठकले यस्तो निर्णय गरेको हो ।
फागुन १ गते देशभर एकैपटक एमसिसीको विरोधमा ७७ वटै जिल्लामा प्रदर्शन गर्ने निर्णय गरिएको मोर्चा संगठन प्रमुख विजय पौडेलले जानकारी दिए ।
विरोध प्रदर्शनका लागि पार्टीका जनवर्गीय तथा पेशागत संगठनहरूलाई तयारीमा जुट्न निर्देशनसमेत दिने निर्णय बैठकले गरेको छ ।
प्रतिक्रिया