काठमाडौं । चारदेशीय टि–ट्वान्टी क्रिकेट सिरिजअन्तर्गत पहिलो खेलमा नेपालले आयोजक ओमानलाई ६ विकेटले हराएको छ ।

यससँगै कप्तान सन्दीप लामिछानेले राहत महशुस गरेका छन् । सन्दीपले आज पहिलोपटक राष्ट्रिय टोलीको कप्तानी गरेका थिए ।

ग्रेडिङ विवाद भएपछि ज्ञानेन्द्र मल्ललाई बर्खास्त गर्दै नेपाल क्रिकेट संघ (क्यान)ले केही महिनाअघि युवा सन्दीपलाई कप्तानी दिएको थियो ।

सन्दीपको कप्तानीमाथि धेरैले प्रश्नसमेत उठाइरहेका थिए । किनकि, सन्दीप क्लब स्तरमा असफल कप्तान दरिएका छन् ।

यसर्थ, आज सन्दीपले कस्तो नेतृत्व गर्ने हुन् धेरैको प्रतीक्षाको विषय बनेको थियो । त्यसैका लागि सन्दीप आज परीक्षा दिएका थिए । अन्ततः उनी पहिलो परीक्षामै उतीर्ण बनेका छन् ।

ओमानमाथि नेपालको ६ विकेटको जित

पहिलोपटक कप्तानी गर्दै सन्दीप, ओमानविरुद्ध टस जितेर बलिङ रोजे