काठमाडौं । सरकारले हप्तामा दुईदिन विदा दिने निर्णय परिक्षणको रूपमा जेठ १ बाट लागु गर्ने भएको छ ।

जेठ १ गतेदेखि शनिबार र आइतबार विदा दिने निर्णय गृह मन्त्रालयले सोमबार राजपत्रमा प्रकाशित गरेको हो ।

सरकारको निर्णय राजपत्रमा प्रकाशित भएसँगै जेठ १ बाट सरकारी कर्मचारीले दशैं–तिहारबाहेक हप्ताको दुईदिन विदा बस्ने पाउने छन् ।

यसअघि वैशाख १३ मा बसेको मन्त्रिपरिषद् बैठकले हप्ताको दुई दिन विदा दिने निर्णय गरेको थियो । राजपत्रमा प्रकाशित सूचनाअनुसार सरकारी कर्मचारीको कार्यलय समय भने थप भएको छ ।

प्रकाशित सूचनाअनुसार सोमबारदेखि शुक्रबारसम्म बिहान ९ः ३० देखि बेलुका ५ः ३० सम्म कार्यालय समय तोकिएको छ । त्यस्तै कात्तिक १६ देखि माघ १५ सम्म कार्यालय समय बिहान ९ः ३० देखि ४ः३० सम्म समय तोकिएको छ ।