काठमाडौंमा टिपरले लियो एक जनाको ज्यान

नागरिक लगानी कोष र नबिल बैंकबीच अवकाश कोष व्यवस्थापन सम्झौता

नेपालवाच २०७९ वैशाख २८ गते ९:०४

काठमाडौं । काठमाडौंको कलंकीमा टिपरले एक जनाको ज्यान लिएको छ । बा ५ ख ७३४५ नम्बरको टिपरको ठक्करबाट बा ८० प ६३७३ नम्बरको मोटरसाइकलमा सवार दिवाकर अधिकारीको मृत्यु भएको हो ।

थानकोटबाट स्वयम्भूतर्फ गइरहेका अधिकारीलाई बुधबार बिहान ३ बजे सोही दिशाबाट आएको टिपरले ठक्कर दिएर घाइते बनाएको थियो । लगत्तै उनलाई त्रिवि शिक्षण अस्पताल महाराजगञ्ज लगिएकोमा त्यही उपचारका क्रममा मृत्यु भएको उपत्यका ट्राफिक प्रहरी कार्यालयले जनाएको छ ।

ठक्करबाट ज्यान गुमाउने अधिकारी धुनिवेशी नगरपालिका–२, धादिङको भएको खुलेको छ ।

टिपरका चालकलाई नियन्त्रणमा लिइएको छ ।