काठमाडौं । दुई कम्पनीको औषधि गुणस्तरहीन भेटिएको छ । मापदण्ड मिचेर त्यस्ता औषधि बजारमा बिक्री–वितरण गरेको भेटिएपछि औषधि व्यवस्था विभागले त्यसमा रोक लगाउँदै फिर्ता गर्न निर्देशन दिएको छ ।

माइक्रोल्याब लिमिटेड, भारतले उत्पादन गरेको माइक्रोसेफ २०० डिटी र क्युरेक्स फर्मास्युटिकल्स प्रालि, काभ्रेले उत्पादन गरेको भिटामिन सी च्युबल ट्बालेट आइपी ब्याच नं. ०४४ र ४५ गुणस्तरहीन प्रमाणित भएको हो ।

यी दुई कम्पनीको उत्पादनमा आवश्यक परिमाण नभेटिएको विभागले जनाएको छ ।

विभागले यी औषधि तत्काल बिक्री वितरण रोकेर बजारबाट फिर्ता (रि–कल) गर्न उद्योग र त्यसका आधिकारिक आयातकर्तालाई निर्देशन दिएको छ ।