काठमाडौं । एमालेका नेता गोकुल बाँस्कोटाको प्रभाव रहेको क्षेत्र बनेपा नगरपालिकाको मेयर एमालेले गुमाएको छ । २०७४ सालमा एमालेले जितेको बनेपा यसपटक कांग्रेसले जितेको हो ।

कांग्रेसका शान्तिरत्न शाक्य १३ हजार ७ साय ९३ मत ल्याएर विजयी भएका हुन् । एमालेका रत्नकुश रञ्जितकारले ११ हजार ८ सय ३५ मत ल्याए ।

उपमेयरमा पनि एमालेकी विमला सापकोटा विजयी भएकी छिन् । उनले ११९१२ मत ल्याउँदा पराजित माओवादीका रघुवर प्रधानले १० हजार ५ सय १५ मत ल्याए ।

अघिल्लोपटक बनेपको मेयर र उपमेयर दुवै एमालेले जितेको थियो । तर निर्वाचनको मुखैमा एमालेबाट मेयर जितेका लक्ष्मीनरसिंह बादेले एमाले त्यागेपछि बनेपा नगरमा एमालेलाई धक्का लागेको हो ।

यही नगरपालिकाले संघीय निर्वाचनमा काभ्रे २ को मत परिणामलाई पनि असर पार्ने गर्छ । तर यही नगरपमा एमालेको नतिजा उल्टिएको हो । एमालेका नेता गोकुल बाँस्कोटाले बनेपासहितका चुनावी क्षेत्रबाट जितेका थिए । धेरै जनसंख्या रहेको यही नगरपालिकाले जितहारमा भूमिका खेल्नेछ । निर्णायक नगरपालिका नै पराजित भएपछि गोकुलका लागि पनि धक्का लागेको छ ।