काठमाडौं । सामाजिक सञ्जाल र युट्युबमा भाइरल भएका पुण्य गौतम आमरण अनसन बस्ने भएका छन् ।

जनजीविकाका विषयलाई उठान सहितका विभिन्न चार बुँदे माग राख्दै आजैबाट अनशन सुरु गर्न लागेको उनले बताए ।

गौतम गोकर्णेश्वर नगरपालिका वडा नम्बर ६ को कार्यालय अगाडि अनशनस्थल तोकेका छन् ।

गौतम गत महिनामात्रै एकीकृत समाजवादी परित्याग गरी एमालेमा प्रवेश गरेका थिए । सुरुवाती चरणको अनशनमा उनलाई एमालेकै समर्थक तिलक कार्कीले साथ दिने बताइएको छ ।

यी हुन् गौतमका ४ बुँदे माग :

१. पेट्रोलियम पदार्थ र खाने तेलको मूल्यवृद्धि फिर्ता लिनुपर्ने
२. नेपाल विद्युत् प्राधिकरणले ग्राहकबाट लिइरहेको न्यूनतम चार्ज घटाउनुपर्ने ।
३. सरकारले जेठदेखि लागू गरेको आइतबारे बिदा खारेज गर्नुपर्ने ।
४. निजी विद्यालयहरूले गरेको शुल्कवृद्धि फिर्ता लिनुपर्ने ।