काठमाडौं । इन्डियन प्रिमियर लिग (आइपिएल) टि–ट्वान्टी क्रिकेटको एलिमिनेटर खेलमा अहिले नवप्रवेशी टोली लखनऊ सुपर जाइन्ट्स र रोयल च्यालेन्जर्स बैंगलोरबीच प्रतिस्पर्धा भइरहेको छ । कोलकत्तामा जारी खेलमा लखनाऊले टस जितेर फिल्डिङ रोजेको हो ।

यस खेलको विजेताले दोस्रो क्वालिफायर खेल्नेछ । यसर्थ, आज दुबै टोली जित निकाल्दै क्वालिफायर पुग्ने योजनामा रहेका छन् । आज पराजित हुने टोली बाहिरिनेछ ।

यस खेलको विजेताले पहिलो क्वालिफायरमा पराजित भएको राजस्थान रोयल्ससँग खेल्नेछ । राजस्थान पहिलो क्वालिफायरमा नवप्रवेशी गुजरात टाइटन्ससँग पराजित भएको थियो ।

तर, प्रतियोगिताको नियमअनुसार हारेपनि फाइनल प्रवेशका लागि राजस्थानले एलिमिनेटरको विजेतासँग खेल्ने मौका पाएको हो । गुजरात भने फाइनल पुगिसकेको छ ।

जारी खेलमा बैंगलोरले ४ ओभरमा एक विकेट गुमाएर २४ रन जोडेको छ ।