काठमाडौं । राजस्थान रोयल्स इन्डियन प्रिमियर लिग (आईपीएल) को फाइनलमा पुगेको छ । गएराति सम्पन्न खेलमा रोयल च्यालेन्जर्स बैंगलोरलाई हराउँदै राजस्थान फाइनल प्रवेश गरेको हो ।

राजस्थानलाई बैंगलोरले १५८ रनको लक्ष्य दिएको थियो । राजस्थानका जोस बट्लरको नटआउट १०६ रनको योगदान दिए । त्यसैगरी, कप्तान सञ्जु सामसनले २३, याशभी जैशवालले २१, देबदुत पडीकल ९ र शिम्रन हेटमायरले २ रन बनाएका थिए ।

यसक्रममा बैंगलोरका जोश हाजलउडले २ र वानिन्दु हसरंगा डी सिल्भाले एक विकेट लिएका थिए ।

बैंगलोरले भने २० ओभरमा ८ विकेट गुमाउँदै १५७ रन जोडेको थियो ।

बैंगलोरका लागि रजत पटिदारले ५८, कप्तान फाफ डु प्लेसिसले २५, ग्लेन म्याक्सवेलले २४ र साहबाज अहमेद १२ रन जोडे ।

आइपिएलको फाइनलमा यसअघि नै गुजरात टाइटन्स प्रवेश गरिसकेको छ । आइतबार राति हुने खेलमा राजस्थानले गुजरातसँग प्रतिस्पर्धा गर्नेछ ।