काठमाडौं । पोखराबाट जोमसामका लागि उड्दा हराएको तारा एयरलाइन्सको जहाज हालसम्म ‘लोकेट’ हुन सकेको छैन ।

घटनास्थलसम्म पुग्नका लागि यतिबेला सेना र प्रहरीकै टोली परिचालित भएका छन् । प्रहरीको टोलीलाई यतिबेला हेलिकोप्टरले नौरिकोटमा लगेर छोडेको छ भने सेनाको टोली नर्सिङ गुम्बाबाट घटनास्थलतर्फ गइरहेको त्रिभुवन विमानस्थलका प्रवक्ता टेकनाथ सिटौलाले जानकारी दिए ।

उनका अनुसार प्राधिकरण आफैंले पनि वरिष्ठ क्याप्टेन प्रभाकर घिमिरेको फोनसँगै जहाजमा हुने इमर्जेन्सी लोकेटर ट्रान्समिटरको आधारमा ठाउँ पत्ता लगाउने कोशिस भइरहेको छ ।

हालसम्म दुर्घटनाको स्थल आधिकारिक रूपमा भेटिइसकेको छैन । लेतेका स्थानीयले त्यहाँको टिटि डाँडामा जहाज दुर्घटना भएकोबारे प्रहरीलाई खबर गरेका थिए ।

जहाज हराएको घटना : मृत्युको पुष्टि नभइ मुख्यमन्त्रीदेखि मेयरसम्मले दिए श्रद्धाञ्जलि !